Dowladda oo ka hadashay khasaaraha ka dhashay dagaal ka dhacay Hiiraan

Ciidanka Xoogga Dalka oo garab ka helaya dadka deegaanka ayaa dagaal culus AS kula galay deegaannada Mabaax iyo Gayacad ee gobolka Hiiraan.

Dagaalka ayaa waxaa ka dhashay khasaare isugu jira dhimasho iyo dhaawac oo ka dhashay dagaalka, kaasi oo soo gaarey dhinacyada.

War-saxaafadeed ka soo baxay dowladda Federaalka ayaa lagu sheegay in dagaalka lagu dilay 20 xubnood oo ka tirsan AS, wallow aan la caddeyn khasaaraha soo gaarey dhinaca ciidanka dowladda iyo dadka deegaanka.

Maalmihii la soo dhaafay ciidanka dowladda iyo dadka deegaanka ayaa howlgallo ka dhan ah AS ka waday xadka gobollada Hiiraan iyo Shabeellada Dhexe.