Muqdisho News
*Maskaxda banii’aadamka waa hantida ugu qaalisan ee uu leeyahay. Waa halka ay ka dhashaan fikradaha cusub, hal-abuurka, go’aan qaadashada, iyo horumarka nololeed, shaqsiyadeed ama bulsho Laakiin haddii maskaxda lagu xannibo fikirro aan faa’iido lahayn sida cabsida joogtada ah, xumaan-raadis, muran aan micno lahayn, cadiifad ama isku-day,la,aan is-daba joog ah ee nafta, waxaa meesha ka baxa awooddii wax-qabad ee qofka.
*1: Maxaa Dhaca Marka Maskaxdu ku Xanimanto meel aan faa’iidolahayn?*
– Garashadaada waxay ku wareegtaa hal meel oo aan wax horumar ah keeni karin.
– Maskaxdaadu waxay noqotaa mid ku mashquulsan wax aan xal lahayn, taasoo keenta daal maskaxeed iyo niyad-jab.
– Waxaad lumisaa kartida aad ku arki lahayd fursadaha wanaagsan ee nolosha.
– Wakhti iyo tamar ayaa kaa luma adigoo aan keenin qorshe sugan iyo jihayn,
* 2: Maxay Tahay Muhiimadda In Maskaxda Laga Shaqaysiiyo?*
– Marka aad maskaxdaada furto, waxaad aragtaa xalal cusub, waxaadna keeni kartaa hal-abuur la taaban karo.
– Fikirka wanaagsan wuxuu kordhiyaa kalsoonida, go’aan qaadashada saxda ah, iyo horumar dhab ah.
– Maskaxda firfircoon waxay kaa caawisaa inaad fahamto dadka kale, ka faa’iidaysato wakhtiga, kana gudubto caqabadaha. iyo Xannibaadda,
*3: Sidee Looga Shaqaysiiyaa Maskaxda?*
– *Aqris & Barasho:* Waa furaha garashada. Maalin kasta waqti u hel wax-akhris iyo wax-barasho.
– *Fikir wanaagsan:* Ka fogaaw fikirro aan wax tarayn, u beddel kuwa wax dhisaya.
– *La-talin & Dood:* La sheekayso dadka kartidaiyo aqoonta leh si aad u qaabayn karto fikradaha.
– *Fadhi-qoris -Meditation:* Waxay dejisaa maskaxda, waxayna fureysaa faham cusub.
– *Ka tag waxa aanad beddeli karin:* Maskaxda ku furo waxa aad wax ka qaban karto.
*Gabagabo & Dhiirigelin:*
Haddii maskaxdaadu ku xayiranto meel madow, noloshaada oo dhan ayaa hoos u dhacda. Laakiin haddii aad oggolaato in maskaxdaadu noqoto mid furan, firfircoon, oo ka shaqeysa xal iyo horumar, waxaad gaari kartaa heerar sare oo nololeed, bulsho iyo ruuxi ah.
