Madaxweyne Xasan Sheekh Mucaaradka ugu baaqay doorashada dadweyne

Madaxweynaha Dowladda Federaalka Soomaaliya, Xasan Sheekh Maxamuud, ayaa si cad u muujiyay mowqifka Dowladda Federaalka ee ku aaddan nuuca doorasho ee dalka ka dhici karta oo si dhow ula mid ah aragtida ay qabaan xisbiyada mucaaradka.

Madaxweynaha ayaa hadalkan ka jeediyay munaasabad lagu soo xirayay gogol wadahadal ah oo dhowrkii maalmood ee la soo dhaafay ka socotay magaalada Muqdisho, taasoo looga hadlayay arrimaha doorashooyinka iyo hannaanka siyaasadeed ee dalka.

“Waxaa la isku waafaqsan yahay in dalka ay ka dhacdo doorasho qof iyo cod ah, balse waxaa weli taagan doodda ku saabsan hannaanka ay doorashadu ku dhacdo,” ayuu yiri Madaxweynaha.

Madaxweyne Xasan Sheekh wuxuu hoosta ka xarriiqay in Dowladda iyo mucaaradka ay aragti ahaan isku dhow yihiin, isaga oo si adag u sheegay in aan dalka lagu celin karin doorasho dadban.

Hadalka Madaxweynaha ayaa imanaya xilli mucaaradka dalka ay hore u muujiyeen diidmo cad oo ku saabsan qabashada doorasho dadban, kadib wadatashi siyaasadeed oo ay dhowr maalmood ku lahaayeen caasimadda