Soomaaliya iyo Shiinaha oo ka wadahadlay iskaashi dhinaca Difaaca ah

Wasiirka Gaashaandhigga Xukuumadda Federaalka Soomaaliya, Axmed Macalin Fiqi, ayaa kulan gaar ah la yeeshay Danjiraha Shiinaha ee Soomaaliya, Wang Yu.

 

Kulanka ayaa diiradda lagu saaray iskaashiga dhinaca Difaaca ee labada dal iyo dardar galinta dagaalka AS.

 

Labada dhinac ayaa sidoo kale ka wada hadlay doorka Shiinaha ka qaadan karo Amniga Soomaaliya gaar ahaan taageerada Howlgalka Midowga Afrika ee AUSSOM

 

Safiirka Shiinaha ayaa dhinaciisa sheegay in ay kaalin ka qaadanayaan qalabeynta iyo tababadka Ciidamada Qalabka Sida, si ay ugu guulleystaan sugida Amniga guud ee dalka.

 

Wasiir Fiqi ayaa uga mahadceliyey Dowladda Shiinaha taageerada ay mar walba la garab taagan tahay Soomaaliya, gaar ahaan dhinacyada amniga, horumarinta iyo iskaashi laba geesood ah oo miro-dhal ah

 

Soomaaliya iyo Shiinaha ayaa leh xiriir diblumaasiyadeed oo dhaw, waxaana ay iska taageeraan dhinacyada Amniga iyo ilaalinta madaxbannaanida labada dal.