Soomaaliya oo shir deg deg ah uga qeyb gashay dalka Turkiga

Wasiirka Arrimaha Dibadda iyo Iskaashiga Caalamiga, Mudane Cabdisalaan Cabdi Cali, ayaa xalay fiidkii oo Jimce ahheyd kaga qeybgalay Magaalada Istanbul ee dalka Turkiga, Shirka degdega ee ay iskugu yimaadeen Wasiirrada Arrimaha Dibadda Carabta.

Shirkan degdega ahaa ayaa lagu qabtay codsi ka yimid Jamhuuriyadda Ciraaq, si looga hadlo xiisadihii u dambeeyay ee u dhaxeeyey dowladaha Iiraan iyo Israa’iil.l, kuwaa uu ka dhax qarxay dagaal gantaalo culus la isku dhaafsanayo.

Kulankan ayaa dhacay xilli xiisad goboleed oo xasaasi ah ay taagantahay, waxaana diiradda lagu saaray xoojinta midnimada Carbeed iyo dejinta mowqif isku-duwan si loo xakameeyo xiisadaha cirka isku sii shareeraya, loona dhowro amniga iyo xasilloonida gobolka.

Dagaalka ka dhax qarxay dowladaha Iran iyo Israa’iil, ayaa laga cabsi qabaa in uu kusii faafo dalala Bariga Dhaxe, haddii Mareykanka uu dagaalka ku biiro garabna ku siiyo maamulka Israa’iil, kaa oo abuuraya xaalad kale oo adag oo dunidda si weyn looga dareemo.