Muqdisho News
Waxaa la filayaa in dhawaan ay magaalada Muqdisho kulamo ku yeeshaan Madaxweynaha Dowladda Federaalka Soomaaliya, Xasan Shiikh Maxamuud iyo xubnaha Mucaaradka.
Kulamo saacadihii la soo dhaafay ka dhacay magaalada Muqdisho ayay xubnaha Mucaaradka ku muujiyeen sida ay diyaar ugu yihiin kulan ay la yeesheen Madaxweyne Xasan Shiikh.
Kulamadan ayaa waxaa ka qeyb galay xubnaha ugu muuqda Mucaaradka sida Madaxweynihii hore, Shariif Shiikh Axmed, Ra’iisul wasaareyaal hore iyo madax kale.
Sida ilo xog ogaal ah ay tilmaamayaan kulanka Madaxweynaha iyo Mucaaradka ayaa looga hadli doona Xaaladda guud ee dalka gaar ahaan arrimaha muranka dhaliyay ee Dastuurka iyo Doorashooyinka.
Kulamadan ayaa ku soo aadaya xilli dhawaan Madaxweyne Xasan Shiikh sheegay in ay wada hadlaan xubnaha Mucaaradka, isla markaasna ay iska waafaqsan yihiin qabashada doorasho aan aheyn mid dadban.
