Warar dheeraad ah ayaa ka soo baxaya duqeymo xooggan oo ka dhacay maanta gudaha magaalada Aadan Yabaal ee gobolka Shabeellada Dhexe.
Diyaaradaha dagaalka ayaa beegsaday goobo ay ku sugnaayeen AS oo ku yaalla gudaha magaalada waxyar ka hor xilliga loo diyaar garoobay Salaada Jimcaha.
Dadka deegaanka ayaa soo sheegaya in khasaaraha duqeymaha laga maqlay gudaha magaalada Aadan Yabaal iyo deegaannada hoos yimaada.
Qoraal kooban oo ka soo baxay Dowladda Soomaaliya ayaa lagu xaqiijiyay howlgal ka dhacay gudaha magaalada Aadan Yabaal gaar ahaan goob ay ku sugnaayeen AS.
Weli lama xaqiijin khasaaraha rasmiga ah ee ka dhashay Duqeynta Diyaaradeed.
Degmadaan Istraatiijiga ayaa maalmo ka hor waxaa ka baxay ciidamada dowladda iyo dadka deegaanka, iyada oo u gacan gashay AS.