Xabsiga Dhexe ee Boosaaso iyo Hotelka Wasiirka amniga oo la weeraray+Faahfaahin
Wararka aan helayno ayaa sheegaya in kooxo hubaysan ay weerar ku qaadeen hotelka magaalada Boosaaso ee gobolka Bari uu ku leeyahay wasiirka amniga ee maamulka Puntland.
Kooxo hubeysan oo aan la garanaynin halka ay ka yimaadeen ayaa la sheegay inay weerar ku qaadeen hotelka iyo xabsiga dhexe eemagaalada Boosaaso ee gobolka Bari.
Mid ka mid ahaa ilaalada Hotelka ayaa la sheegay inuu dhaawac soo gaaray ka dib markii kooxaha hubaysan iyo ilaalada uu dhexmaray dagaal muddo daqiiqado ah socday kadib.
Hotelka uu leeyahay wasiirka amniga Puntland ee ku yaala magaalada Boosaaso ayaa la sheegay in ugu horeyn weerarka uu ka dhacay,iyadoo markii dambe weerar kale lagu qaaday xabsiga dhexe ee magaalada Boosaaso.
Ma jiro wax war ah oo kasoo baxay dhanka maamulka Puntland oo ku aadan weerarkaan xalay ka dhacay saldhiga Boosaaso iyo hotel uu leeyahay wasiirka amniga ee Puntland.
