Wednesday, August 20th, 2014

Alshabaab oo weeraray fariisimaha Ciidamada Puntland ee Boosaaso+Faahfaahin

Warar dheeraad ah ayaa kasoo baxaya weerar ciidamada Alshabaab la sheegay inay ku qaadeen fariisimo ciidamada maamulka Puntland ay ku leeyihiin duleedka magaalada Boosaaso.

Ciidamada Alshabaab ayaa la sheegayaa inay weerarka kasoo qaadeen buuraha Galgala ee duleedka magaalada Boosaaso halkaasi oo ay isku aruursanayeen muddooyinkii ugu dambeeyay.

Dagaalka ayaa ka dhacay deegaanka Laag iyo kontaroolka dhanka koofureed ee magaalada Boosaaso,kaasi oo la sheegay inuu ahaa mid xoogan oo socday muddo saacado ah.

Dagaalka oo dhacay habeenimadii xalay ayaa waxaa ku dhintay labo ruux oo dhinacyada dagaalamay ah,iyadoo ciidamada maamulka Puntland ay iska difaaceen weerarka.

Ma jiro wax war ah oo kasoo baxay dhanka Alshabaab iyo masuuliyiinta maamulka Puntland,iyadoo shalay wasiirka amniga  ee maamulka Puntland uu sheegay in Alshabaab badan ay ku sugan yihiin Galgala

Leave a Reply