Sunday, April 20th, 2014

Iskuulkii toogashada ay ka dhacday 14 kii December 2012 oo magaca laga badalay dibna loo furay

Caruurtii dhiganaysay iskuulka ku yaala magaalada Newtown ee gobolka Connecticut ee dalka Maraykanka ayaa bilaabay teeram cusub kadib markii iskuulka uu xirnaa muddo maalmo ah.

Sida ay sheegeen masuuliyiinta iskuulka,waxaa in badan wax laga badalay amaanka iskuulka ku yaala magaalada Newtown waxaana la sheegay in la geeyay boolis badan.

Sandy Hook Elementary School,oo ah iskuulkii lagu dilay lix iyo labaatan ruux oo badankood caruur ay yihiin iyo shaqsigii ka dambeeyay toogashada ayaa la sheegay in dib ay u bilaabatay waxbarashadiisii.

14 December ee sanadkii tagay waxaa iskuulka dadka ku dhintay ay kala ahaayeen 16 caruur ah ,lix waardiyaasha iskuulka ah iyo Adam Lanza oo toogashada geystay.

Ciidamo kale oo dheeraad ah oo xaqiijinayo amaanka ayaa la sheegay in la geeyay iskuulka oo xitaa magacii laga badalay,kuwaasi oo qaarkood la sheegay inay ku shaqo leeyihiin joojinta gaadiidka soo galaya gidaarka iskuulka.

Waxaa lagu tilmaamay iminka marka loo eego ilaalada uu leeyahay in iskuulka uu yahay midka ugu amaanka wanaagsan kuwa ku yaala dalka Maraykanka.

Waalidiinta caruurtooda ay dhigtaan iskuulka ayaa loo sheegay in la xaqiijinayo amaanka caruurtooda iyo guud ahaan iskuulka

Waalidiinta ayaa la sheegay in loo ogolaanayo inay ku sugnaadaan iskuulka xiliga ardaydooda ay ku jiraan xisadaha maalinta qamiiska si ay u xaqiiqsadaan xaalada caruurtooda.

Waxaana ay tahay dhiiro gelin loo sameynayo waalidiinta si ay caruurtooda ugu qaataan basaskooda,si ay waalidiintooda sida ugu macquulsan ula midoobaan.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>