Gen Ismail Hakki Karadayi,oo laga waday gurigiisa Istanbul laguna xeray Ankara
Madixii hore ee ciidamada dalka Turkiga Gen Ismail Hakki Karadayi,ayaa la xeray kadib markii lagu eedeeyay farogelin meletari uu oo xoog ah.
Gen Karadayi ayaa laga waday guriigisa oo ku yaala magaalada Istanbl,waxaana loo qaaday magaalada Askara ee caasimada ah si su’aalo loo weydiiyo.
Waxaa lagu eedeeyay inuu caawinayay hab afgambi casriyeysan ah,kaasi oo la sheegay in wax ciidan aysan ku luglaheyn.
Necmettin Erbakan,ra’iisul wasaarihii hore ee dalkaasi ayaa lagu qasbay inuu iscasilo sanadkii 1997,kaasi oo lagu badalay dowlad rayid ah,waana xiliga Gen Karadayi uu ahaa taliyihii ciidamada Turkiga.
Bishii May ee sanadkii tagay ,lix general oo lala xiriirinayo xil ka qaadistii Necmettin Erbakan,ayaa la sheegay in lasoo eedeeyay lana xeray.
Baaritaano kala duwan ayaa la sheegay in lagu sameynayo saraakiil dhowr ah oo isku dayay inay afgambiyaan meletriga dalkaasi.
Turkiga ayaa waxaa soo maray seddex marxaladood oo afgambi ah intii u dhaxaysay sanadihii 1960 ilaa 1980 wuxuuna leeyahay taariiq caalami ah.
Maxkamad ku taala dalka Turkiga ayaa seddex kamid ah saraakiisha ciidamada dalkaasi ku xukuntay min labaatan sano oo xarig ah bishii September.
Waxaa lagu eedeeyay inay wadeen qorshe afgambi ah oo looga soo horjeeday doorashadii uu ku guuleystay Mr Erdogan sanadkii 2003.
