Saturday, August 23rd, 2014

Syria oo sheegtay inay diyaar u tahay wadahadal ay la galaan Mucaaradka dalkaasi

Dowlada dalka Syria ayaa sheegtay inay soo dhaweynayso wadahadalo nabadeed oo lagu dhameynayo dhiiga walli kasii daadanayo shacabka dalka Syria,kuwaasi oo ay la galaan kooxaha mucaaradka.

Dowlada Syria ayaa sidoo kale sheegtay inay aqbaleyso wadahadalkii uu ku dhawaaqay ergayga gaarka ee Qaramada midoobay iyo jaamacada carabta u qaabilsan Syria Lakhdar Brahimi.

Ra’iisul wasaare Wael Al Xalaqi ayaa ka sheegay baarlamaanka dalkaasi hortiisa in isku dhacyada dalkaasi loo baahan yahay in la xaliyo waliba ay dhameeyaan shacabka dalkaasi Syria.

Ra’isuul wasaaraha dalkaasi ayaa sheegay in shacabka Syria ay xalin karaan dhibaatada ka taagan dalkaasi iyadoo aysan jirin cadaadis kaga yimaada gudaha iyo dibada.

Dowlada Syria ayuu sheegay inay taageerayso mashruuca dib u hishiisiinta qaranka dalkaasi diyaarna ay tahay wadahadal nabadeed oo ay la galaan kooxaha mucaaradka.

Wadankaasi ayuu xusay inuu u dhaqaaqayo isbidal taariiqi ah marka uu guul ka gaaro cadowdiisa,isagoo qeexay in Syria ay ka mid noqoneyso halkii ay ka taagneyd caalamka.

Ergayga gaarka ee qaramada midoobay Syria Lakhdar Brahimi ayaa maalintii Axada  ku dhawaaqay qorshe xabad joojin ah iyo wadahadal nabadeed oo ka dhaca Syria ,iyadoo kooxaha mucaaradka ay kasoo horjeesteen arintaasi.

Dowlada Ruushka ayaa Maalintii sabtida ku dhawaaqday inay qabaneyno shirweyne wadahadal ah oo ay galaan kooxaha mucaraadka iyo dalkaasi Syria,waxaana dowlada Ruushka ay sheegtay in wadahadaladaasi ay ku qabaneyso magaalada Moscow ama Qaahira ama Geneva.

One Response to Syria oo sheegtay inay diyaar u tahay wadahadal ay la galaan Mucaaradka dalkaasi

  1. shuruur says:

    AAD U BUU UWACAN YAHAY IN AN LA LASHAQEEYO AYAAN RABAA IGA SOO WACA 643371

Leave a Reply