Friday, April 25th, 2014

Dowlada Turkiga oo markii ugu horeysay sheegtay inay wadahadal la galayaan….

Masuuliyiin ka tirsan dowlada Dalka Turkiga ayaa sheegay in dowlada ay qabaneyso wadahadalo  ay la gasho madaxa jabhada ka dagaalanta dalkaasi ee PKK ee maxbuuska ah Abdullah Ocalan.

Ocalan,oo horay la sheegay in loogu helay dambiga ah qiyaanada wadanka ayaa waxaa lagu xiray xabsi.

La taliyaha dhanka siyaasada ee ra’iisul wasaaraha dalka Turkiga ayaa sheegay in dowlada ay soo gabogabeysay in la mamnuuco jabhada ka dagaalanta dalkaasi ee PKK.

Sanadkii ugu lasoo dhaafay waxaa laga dareemay dalkaasi Turkiga qalalaaso ay dhigayeen jabhada dalkaasi ee PKK.

Yalcin Akdogan lataliyaha ra’iisul wasaaraha Turkiga ayaa sheegay  in wahadalada ay la galayaan Mr Ocalan ay qabanayaan diblumaasiyiin caalami ah.

“Muhiimadda kulanka aan la galayno PKK wuxuu yahay in hubka dhigis lagu sameeyo PKK,dowlada wey taageersan tahay wahadal kastaa oo ku dhamaanaya qalalaasaha xun”ayuu yiri la taliyaha ra’iisul wasaaraha dalkaasi kadib waraysi uu siiyay Tv-ga NTV television.

Wargeys-ka Hurriyad ee kasoo dalkaasi Turkiga ayaa sheegay in masuuliyiin ka tirsan dowlada ay la kulmeen Ocalan bishii December 23 keedii ,kulankaasi oo socday muddo afar saac ah.

Jabhada PKK ayaa dagaalo ku dhifo oo ka dhaqaaq ah ka geystay dalkaasi marar badan kuwaasi oo ka dhacayay koofur bari dalka Turkiga in ka badan 25 sano,iyadoo isku dayaya aasaasida dadka kurdishka ah.

Waxaa isku dhacyadaasi ku dhintay dad gaaraya 40,000 oo ruux waxaana ku jira dad rayid ah oo ku waxyeeloobay dagaaladaasi u dhaxeeya jabhada PKK iyo dowlada dalka Turkiga.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>