Weeraro ay ku dhinteen 7 ruux oo ka dhacay labo magaalo oo ka tirsan Nigeria
Afhayeen u hadlay ciidamada meletariga dalka Nigeria ayaa sheegay in kooxaha ka dhisan dalkaasi ay dileen ku dhawaad 7 ruux ka dib weeraro ka dhacay labo magaalo oo ku yaala waqooyiga dalka Nigeria.
Kooxda Boko Haram,ayaa la sheegay in shan ka mid ah todobadaasi ay ku dileen xaafad banaanka ka ah magaalada Maiduguri,sida uu sheegay afhayeenka ciidamada meletariga u hadlay.
Weerarka labaad ayaa ka dhacay dhismo dolwada ay leedahay oo ku yaala xuduuda ay Cameroon ,waxaana ku dhintay labo ruux oo midkood uu yahay booliska dalkaasi,waxaana weerarka geystay ruux hubeysan.
Ilaa iyo hadda ma jirto cid sheegatay masuuliyada weerarka ka dhacay labo magaalo oo yaala waqooyiga dalkaasi Nigeria.
Ciidamada meletariga ayaa la sheegay inay xereen seddex ruux islamarkaana ay la wareegeen hub badan oo lagu fuliyay weerarkii ka dhacay duleedka magaalada Maiduguri.
Mid ka mid ah macalimiinta deegaanka ayaa u sheegay wakaalada wararka ee AP in ruuxa hubeysan ay kusoo xoomeen dad badan ka hor inta uusan falka geysan,wuxuuna sheegay in dad badan ay dhinteen kuwaasi oo qaarkood cunaha ka go’ay.
Dilalkaan ka dhacay waqooyiga dalka Nigeria ,waxaa lagu eedeeyay inay ka dambeeyay oo xiriir ay la leeyihiin kooxda Boko Haram,kuwaasi oo doonayo in ku dhaqanka shareecada islaamka laga hergiliyo dalkaasi.
Maalintii Arbacada weerar ka dhacay kaniisad ku taala magaalada Maiduguri waxaa ku dhintay lix ruux halka todobo kalana ay ku dhaawacmeen,waxaana masuuliyiida sheegtay Boko Haram.
Dalka Nigeria waxaa loo kala qeybiyaa waqooyiga oo ay ku badan yihiin Muslimiinta iyo koofurta oo ay ku badan yihiin dadka Christan-ka ah.
