Thursday, August 21st, 2014

Midowga Africa oo ka hadlay iscasilaadii Sheikh Diarra dalka Mali

Midowga Africa ayaa cambaareeyay iscasilaadii Sheikh Madibo Diarra Ra’iisul wasaarihii hore ee dalka Mali,taasi oo ay sheegeen inay aheyd arin lagu qasbay Sheikh Diarra.

Waxaana ay ugu baaqeen ciidamada awooda ku leh dalkaasi inay aqbalaan rabitaanka xukunka Shacabka dalkaasi Mali.

Nkosazana Dlamini-Zuma, Madaxa dhaqaalaha midowga Africa ayaa tiri “si qoto dher waxaan u cambaareyna iscasilaadii Diarra” kadib markii warmurtiyadeed ay soo saareen maanta oo arbaco ah.

Midowga Africa ayaa ka dalbaday ciidamada Meletariga dalkaasi inay si buuxda ay u hoos ugu dhigaan xukunka adag ee ay ku hayaan dadka rayid ah sida lagu sheegay warka kasoo baxay Midowga Africa.

Sheikh Diarra ayaa Talaadadii shalay ku dhawaaqay inuu iska casilay xilkii uu hayay,kadib markii cadaadis xoogan uu kala kulmay hogaamiyaha ciidamada afgambiga ku qabsaday waqooyiga dalkaasi Mali.

Madaxweynaha kumeelka gaar ee dalkaasi Mali ayaa si dhaqso ah usoo magacaabay Ra’iisul wasaare cusub ,isagoo sheegay in sida ugu dhaqsiyaha badan loosoo dhisayo dowlad cusub dhamaadka todobaadkaan

Leave a Reply