Jawiga Magaalada Jowhar sida uu yahay iyo wararkii ugu dambeeyay la soco
Wararka ka imaanaya magaalada Jowhar ee xarunta Gobolka Shabeelaha Dhexe ayaa sheegaya in saaka halkaasi ay ka socdaab baaritaano ay sameynayaan ciidamada huwanta ee ku sugan Jowhar.
Ciidamada dowlada ayaa la sheegaya in saakay baaritaano ay ka sameynayaan xaafada Hantiwadaag iyo Kulmis halkaasi oo ay sheegeen inay ku sugan yihiin haraadiga Alshabaab.
Habeenimadii xalay xaafada Kulmis gaar ahaan agagaarka hayada MSF waxaa ka dhacay qarax lala eegtay ciidamo ka tirsan dowlada Soomaaliya kuwasi oo markii dambe rasaas badan ay fureen.
Ciidamada ayaa waxa la sheegayaa in guri walbaa ay galayaan ciidamada dowlada Soomaaliya ee ku sugan magaaladaasi.
Maalintii shalay ciidamada huwanta ayaa waxay soo qabteen bam ku jiray “Caag seddexle” kaasi oo la dhigay xarunta gobolka sida uu sheegay Afhayeenka maamulka Shabeelaha dhexe Daa’uud Xaaji.
