Friday, April 25th, 2014

Abu Zaid Al-kuwaiti oo la xaqiijiyay inuu ku geeriyooday duqeyn diyaaradeed

Sida ay xaqiijiyeen ilo xog ogaal ah oo ku sugan Dalka Pakistan waxaa dalkaasi lagu dilay Hogaamiyo sare oo ka tirsanaa AlQaacida  kadib duqeyn ka dhacday dalkaasi Pakistan.

Sheikh Khaled bin Abdul Rahman,oo loo yaqiinay Abu Zaid Al-kuwaiti  ayaa la sheegay inuu geeriyooday islamarkaana ay dhaawacmeen 10 kale deegaanka Mir Ali oo ku taal waqooyi gobolka Waziristan.

Waxa uu ahaa hogaamiye sare oo ka tirsan Alqaacida waxii ka dambeeyay markii bishii la dilay Abu Yahxya Al-libi kaasi oo ku dhintay duqeyn diyaaradeed oo diyaaradaha mareykanka ka geysteen dalkaasi.

Saraakiisha Pakistan iyo Maraykanka ayaanan wali ka hadlin arintaan wallow saraakiil Taalibaan ka tirsan ay xaqiijiyeen geerida Abu Zaid Al-kuwaiti.

Saraakiil ka tirsan Daalibaan ayaa BBC u sheegay in Khaalid Bin Abdul Raxman oo 46 sano jir ah uu ku dhintay duqeyn diyaaradeed oo ka dhacay deegaanka Mubarak Shahi talaadadii lasoo dhaafay.

Saraakiil ka gaabsatay magacooda ayaa u sheegay AP in Khaalid la duugay maalintii Jimcaha ee lasoo dhaafay.

Waxaa sidoo kale ay ku daren intaasi in xaaskiisa iyo gabadhiisa ay ku dhaawacmeen duqeynta iyadoo xaaskiisa maalintii lasoo dhaafay ay u geeriyootay dhawaciisa kadib markii la geeyay isbitaal ku yaala Miran shah.

Warar soo baxayay ayaa sheegaya in tirada dhimashada ee duqeyntaasi ay gaareysay seddex ruux kuwaasi oo ay ku jireen labo ka mid ah ciidamada ku sugan gobolkaasi.

Maalintii Axada ayaa la sheegay in saraakiil kale oo ka tirsan Alqaacida in lagu dilay duqeyn diyaaradaha Maraykanka ay ka geysteen Dalkaasi Pakistan.

Duqeymaha diyaaradaha Maraykanka ay ka geysanayaan Pakistan ayaa sii kordhay waxii ka dambeeyay sanadkii 2009 markaasi oo xilka madaxweynaha Dalka Maraykanka la wareegay Brack Obama.

Duqeymaha waxaa ku dhintay saraakiil katirsan Alqaacida iyo hogaamiyaal Daalibaan ah sidoo kale dadka dhintay waxaa ku jiray ciidamo iyo dad rayid ah,iyadoo Pakistan sanadkii 2011 lagu dilay OSAMA BIN LADEN.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>