• Boga Hore
• Wararka
• Caalamka
• Cayaaraha
• Wareysi Abwaan Maxamed Cumar Nadaam
• Wiil Soomaali ah oo Dabaq iska soo tuuray Talyaaniga
• Ilyaas Barre Shiil oo Beesha Hawiye Weeraray
• Shekh Umal Vs Shiico + Shabaab + Suufi

Caawi Wariye Siciid Shuuriyaako + Sawirro

Nov 9, 2012 - 11 Jawaabood

4 tii Abriil ee Sannadkaan ayey ahayd markii Qarax Ismiidaamin ah uu ka dhacay Golaha Murtida iyo Madadaalada ee Magaalada Muqdisho waxaana Qaraxaasi ay waxyeelo ka soo gaartey dad fara badan oo ay ugu badnayeen Saxafiyiin waxaana Dadkaas ku jirey Wariye Saciid Warsame Shuriyaako oo isagu soo gaarey Dhaawac Culus, waxaana lagula tacaalayey isbitaalada Magaalada Muqdisho

Wariye Shuriyaako oo Filim qaade u ahaa Idaacada iyo TV-ga Shabeele ayaa mar aan ku  booqdey Isbitaal Madiina waxaan wax ka weydiiney Xaaladiisa Caafimaad waxaa u ku jawaabey isagoo aad u Murugeysan islamarkaana uu Xanuun hayo “ Waxaan ku jiraa isbitaalka ilaa Sideed Bilood Xaaladeyda Caafimaad waxba iskama Badelin Ha noqoto Daryeel Guud ama mid Daawo inkastoo mar la ii qaadey Jabuuti  halkaana  kama soo helin Daryeelkii aan u baahnaa waayo marka la fiiriyo Soomaaliya iyo Jabuuti waxaad is leedahay Caafimaad ahaan  waxaa dhaama  Soomaaliya “

Mar aan weydiiyey halka looga badan yahay waxaa uu ku jawaabey” Marka hore Labada lugood waa Burbursan yihiin , Kelyaha iyo Dhagaha  Dhaawac ayaa iiga yaala oo Xanuunkooda ma Xameli karo , lugahana iyaga Warkooda daa waa sida aad u jeedo  halkaan ayey igu haystaa daryeel Xumo aad u weyn.

Wariye Shuriyaako oo mararka qaar ay ilmo ka soo daadaneysey ayaa waxaan weydiiyey bal in ay la soo Xiriirreen Maamulka Idaacada Shabeele maadaama  uu  u shaqeynayey markuu Dhaawacmayey  waxaa uu yiri ” Dhowr Bilood baan halkaa ku jiraa Maamulka Idaacada Shabeele ima soo Booqan waxaana kuu sheegayaa Idaacada Shabeelle Cidina kama Dhimato  kamana Dhaawacanto waa iska Xaalka Adduun, waxaan kaloo Maqli jirey Ruux Bukaanka kuugu Nacay Adoo baahan KaaTagey Samo Kuma Banaana  ilaa iyo Tobaneeyo iyo in ka badan ayaa laga Diley ama laga Dhaawacay Idaacada Shbeele cid sidaa u fiirisey ma jirto anigana kuwaas baan ka mid ahay ee la Hilmaamey“

Maxaa kula Dardaarmaysaa  Wariyayaasha kale ee iyana  Xilgaan Shaqeeya ayaan weydiiyay waxaana uu yiri “ Soomaalida waxay Tiraahdaa Sadar Muuqda Su’aal ka dhan ,marka walaalayaal waad ii jeedaan sida la ii Dayacay inta aad Bad qabtaan waa la idiin jecel yahay laakiin maalinkaad dhaawacantaan ama Dhmataan ayaad ogaan doontaan maanta aniga iyo caruurteydii aan u shaqeysan jirey dhamaanteen waa nala dayacay “.

Ugu Dambeyntii Saciid Warsame Shuriyaalko oo markaan wareysanayey  uu  ag fadhiyey Walaakiis Maxamuud Warsame Shuriyaako oo isaga la Murugoonayey Walaakiis  ayaa waxaa uu ugu Baaqey Dowlada Cusub in ay Gargaar Aadanimo u fidiso, sidoo kale Dadka Soomaaliyeed ee ku nool Dalka Gudihiisa iyo Dibadiisa ayuu ugu baaqay in ay gacan ka geystaan Caafimaadka Wariyahaasi,  waxaa kale uu baaq u direy Wariyayaasha kale ee  Soomaaliyeed ee ku noola Caalamka in ay  gacan ka geystaan sidaan ku heli lahaan Caafimaad buuxa.

Daawo Sawirro Wariyaha laga soo qaaday isagoo Hosbiyaal yaala.

Haddii aad Dooneyso in aad Caawinto kala Soo Xiriir

Wariye Saciid Warsame Shuriyaako

Tel 00252616450712

W/D Amiin Yuusuf Khasaaro
E-Mail  amiinkhasaaro@hotmail.co.uk
E-Mail  amiinkhasaaro@yahoo.co.uk

Nagula soo Xiriir Wararka@hotmail.com