Artiste u dhashtay dalka Algeria oo Sameyay Taallo uu ka matalay Hertidii Zidane uu dhulka la dhigay Materazzi.
Nin u dhashay dalka Algeria oo Farshaxaniste ama Artiste ah ayaa adduunka dib u xasuusinayo teestadii ama madaxii uu Zinedine Zidane la dhacay daafaca wadanka Talyaaniga Marco Materazzi finalkii koobka adduunka 2006 ciyaar dhexmaraysay France iyo Italy oo ka dhacday dalka Jarmalka.
Caadil Cabdi Samad oo ah Artiste ama farshaxaniiste u dhashtay dalka Algeria ayaa waxaa uu sameeyay taallo Maar ah oo muujinayso ama laga matalay hertida uu Zinedine Zidane xabadka kaga dhuftay Materazzi.
Dhacdadaan ayaa ka dhex dhacday labadan xidig daqiiqaddii 110-aad waqtiga dheeriga ciyaartii France iyo Talyaaniga 2006 kadib 90=kii daqiiqo ay isku mari waayeen 1-1 iyadoo labadas gool ay kala dhaliyeen Zidane oo Rigoore u dhaliyay xulkisa France halka Marco Materazzi uu isna bar bareeyay kubad koorno ahayd uu madaxa ku dhaliyay.
Dhererka Taaladan ayaa aha 5 Mitir oo Maar ka samaysan taas oo la suray xudunta ama bartamaha Magaalada Paris ee caasimadda dalka Faransiiska.
Taaladan ayaa ka hor inta aan laga taagin bartamaha magaalada waxaa lagu soo bandhigay Madxafka Caanka ah ee ku yaala dhismaha Pompidou ee magaalada Paris ee dalka France.
Ninka Sawiray Taaladan ayaa muujiyay Madaxa xiiran ee Zinadine Zidane oo Beerka kaga dhufanaya Daafaca dheer ee reer Talyaani Marco Materazzi taas oo sababtay in Zidane laga saaro garoonka ciyarta finalaha waxaana ilaa haatan si dhab ah loo sheegi Karin wixii dhexmaray labadaan Ciyaartooy laakin Zidane ayaa sheegay in Marco Materazzi uu af lagaadeeyay walaashis taasna ay ka caraysiisay oo ku riixday in Herti dhulka kula riday daafacas.
Macalimuu Zidane ayaa ahaa mid kamid ah xidigihii ugu wanaagsanaa ee soo maray caalamka kubadda cagta 100-kii sanno ee lasoo dhaafay waxaana uu dalka France u qaaday koobka adduunka 1998 kadib labo gool uu madax ugu dhaliyay ay Braziil 3-0 ugu qaadeen koobka sidoo kale wuxuu guulo lasoo qeybsaday JUventus iyo Real Madrid.
Xafiiska Wararka Muqdishonews.com
Muqdisho-Soomaaliya
Nagula xiriir wararka@hotmail.com
aad ayaan utaageeraa ninkan ah reer aljeriya