Xulka 17 jirada oo dalka dib ugu soo laabtay kadib Guul ay kasoo gaareen Suudaan.
Waxaa maanta dalka dib ugu soo laaabtay xulka k/cagta Somalia ee da’dooda ka hooseso 17 jirada kadib guul Taariikhi ah oo ay ka gaareen kulan ay la ciyaareen xulka juunyarka sudan.
Wafdiga xulka ayaa waxaa kamid ahaa Wasiir Dowlaha wasaradda isboortiga iyo dhalinyarada C/laahi Qaloocow iyo xubin xiriir Cali Cabdi (Cali Shiino.
Xulka juunyarka ayaa waxaa garoonka diyaaradaha Aadan Cadde kusoo dhaweeyay mas’uuliyiin uu kamid ahaa Ku simaha guddoomiyaha xiriirka somaliyeed ee Kubadda cagta Cali Saciid Guuleed iyo xubno kale oo ka tirsan xiriirka somaliyed ee Kubadda cagta.
Kadib markii ay soo gaareen magaalada Muqdisho xulka juunyarka Somalia ayaa kabtanka xulkaas Qaasim wuxuu kula hadlay saxaafadda gudaha garoonka isagoo sheegay inuu aad ugu faraxsan yahay guusha taariikhiga ah oo ay kasoo gaareenciyaartii xulka dhigooda Sudan.
Maxamed Cabdule Farayare oo ah tababaraha xulka juunyarka Somalia ayaa kula hadlay saxaafadda gudaha garoonka isagoo sheegay inay soo bandhigeen qaab ciyaareed wanagsan isla markasna sharaxad dheer ka bixiyay isagoo sheegay in haatan ay isku diyaarinayaan ciyaarta warega 2-aad ee is reeb reebka koobka qaramada afrika oo bisha soo aadan October la yeelan doonaan xulka Algeria.
Si kastaba xulka Somalia ayaa guul 1-0 kasoo gaaray xulka Sudan ciyaar ka tirsanayd is reeb reebka koobka Juunyarada Afrika wareega 1-aad iyadoo wareega 2-aad u soo baxay.
Xafiiska Wararka Muqdishonews.com
Muqdisho-Soomaaliya
Nagula xiriir wararka@hotmail.com
