Massimiliano Allegri” wax cabsi ah kama qabon in leega ceyriyo shaqada.
Mustaqbalka Macalin Massimiliano Allegri ee garoonka San Siro ayaa dhawaanahan shaki la galinayay iyadoo wararka ay sheegayeen inuusan wanaagsanayn xiriirka isaga iyo guddoomiye ku xigeenka Ac Milan Adriano galliani.
Massimiliano Allegri oo hadlayay ka hor kulanka ay la ciyaarayan Atalanka ayaa tababarihii hore ee kooxda Cagliari wuxuu sheegay in niyaddiisa ay tahay mid degan oo wax cabsi ah ka qabin in kooxda laga ceyriyo.
“Go’aanka maskaxdayda ima cabsi galinayo,labo sanno ka hor markii aan imaaday halkaan waxaa sameeyay wax wanaagsan ayuu yiri Massimiliano Allegri.
Wuxuu intaas ku daray tababare Massimiliano Allegri in dadka ay ka fikirayaan in isaga la badalo laakin wuxu sheegay inuu yahay qof caadi ah kaas oo ah tababaraha Ac Milan rabana inuu kooxda Ac Milan markale u qaada horyaalka Serie A-da Talyaaniga.
Massimiliano Allegri ayaa kalsooni ku qaba inuu guul ka gaari doonno kulanka caawa ay Nerazzuri waa Atalanta kaga horjeedaan iyadoo suura gal tahay inuu ka maqnaado Giampaolo Pazzini.
“Pazzini wuxuu tababarka qaatay 20 daqiiqo Qamiistii wuxuna dareemayay dhaawac laakin waxaa hubaa in 90% uu ciyaarayo oo waliba kusoo bilaabanayo waxaana ku wehlin doona weerarka Bojan Krkic ama Stephan El Shaarawy ayuu yiri Massimiliano Allegri.
Ac Milan ayaa ku bilaabatay natiijo aan wanagsanayn horyaalka talyaaniga xili ciyaaredkaan.
